محكمة,,محكمة,,محكمة

كلمات سمعتها و انا خارج من باب المترو….. ففضلت أدور على الميكروباص اللى بينادى زى أى مصرى عايز يلحقلوا و لو رجل فى المكروباص اللى يوصلة ,, سامع صوت بس مش لاقى الميكروباص ,, ابص لمين,, و أبص شمال

فى الأخر لقيت واحد واقف جنب التاكسى بتاعة و عمال ينادى على الزباين

!! محكمة ,, محكمة

.رحتلة و انا بضحك و سألتوا ……. محكمة يسطى ؟ ,, فجاوبنى …….. أه اتفضل يا أستاذ

.فقلت لنفسى تلاقية كان بينادى علشان مش لاقى زباين ولا حاجة ,, فركبت معاه التاكسى على أنه هيطلع

!! محكمة ,, محكمة

.ببص لقيتة لسة بينادى ,, فسألتوا………… مش هتطلع بينا يسطى؟!!,, قالى……… مش لما أحمل

…..ضحكت و قلت لنفسى أكيد ظروفه وحشة

خمس دقائق و لقيت 3 أصحاب ركبوا….. كان خلاص التاكسى حمل و كلة تمام ,, فركب السواق و طلع بينا

.شوية كدة و لقيتوا بيقول ….. يا جماعة الأجرة 2 جنية للنفر

فقلت لنفسى تمام بدل ما كنت هدفع 3 جنية هدفع 2 بس,,, و لقيت الثلاثة الصحاب بيقولوا له أن هما راكبين مع بعض ,, بس السواق أصر على 2 جنية النفر

!! عشر دقايق كدة ووصلنا المحكمة فدفعت الأتنين جنية اللى عليا و الصحاب أضطروا يدفعوا 6 جنية

فنزلت من التاكسى و انا بضحك و بقول لنفسى كويس أنى مكنش معايا حد من صحابى…

و أفتكرت أن الواحد الأول كان بيهرب من الميكروباصات و الأتوبيس و يركب التاكسى علشان أسرع و أريح

.دلوقتى بقى السواق ينادى على الزباين و يحاسب بالنفر

  فاضل أية تانى يا بلد نتحاسب عليه بالنفر؟؟؟؟؟  ………